நீங்கள் தேடியது "நீலகிரி கலெக்டர்"

ஊட்டி:

நீலகிரி மாவட்ட கலெக்டராக கடந்த 2017-ம் ஆண்டு ஜூலை மாதம் இன்னசென்ட் திவ்யா பொறுப்பேற்றார். இந்த நிலையில் யானைகள் வழித்தட பிரச்சினை தொடர்பாக இன்னசென்ட் திவ்யாவை பணியிடமாற்றம் செய்ய கூடாது என சுப்ரீம் கோர்ட்டு அறிவித்திருந்தது.


இந்த நிலையில் நீலகிரி கலெக்டரை பணிமாற்றம் செய்ய வேண்டும் என தமிழக அரசு கேட்டதை தொடர்ந்து சுப்ரீம் கோர்ட்டு அவரை இடமாற்றம் செய்ய அனுமதி கொடுத்தது.

இந்த நிலையில் நகராட்சி நிர்வாக இணை ஆணையராக இருந்த எஸ்.பி.அம்ரித்தை நீலகிரி மாவட்டத்தின் புதிய கலெக்டராக நியமித்து தமிழக அரசு நேற்று அறிவித்தது.

இதையடுத்து அவர் இன்று காலை நீலகிரி வந்தார். பின்னர் ஊட்டியில் உள்ள மாவட்ட கலெக்டர் அலுவலகத்திற்கு சென்ற எஸ்.பி.அம்ரித், கோப்புகளில் கையெழுத்திட்டு நீலகிரி மாவட்டத்தின் புதிய கலெக்டராக பொறுப்பேற்று கொண்டார். அவருக்கு மாவட்ட வருவாய் அலுவலர் மற்றும் கலெக்டர் அலுவலக ஊழியர்கள் பூங்கொத்து கொடுத்து வாழ்த்து தெரிவித்தனர்.

நீலகிரி மாவட்டத்தின் புதிய கலெக்டராக பொறுப்பேற்றுள்ள எஸ்.பி. அம்ரித் தமிழகத்தின் தென்கோடி மாவட்டமான கன்னியாகுமரியை சேர்ந்தவர். 1988-ம் ஆண்டு பிறந்த இவர் 2013-ம் ஆண்டு தமிழக அரசு பணியில் சேர்ந்தார். இவர் தமிழ், இந்தி, ஆங்கிலம் மொழிகளை நன்கு அறிந்தவர். மேலும் இவர் ஏற்கனவே மதுரை மாவட்டத்தின் கூடுதல் கலெக்டராகவும் பணியாற்றியுள்ளார்.

சென்னை:

தமிழக ஐ.ஏ.எஸ். அதிகாரி இன்னசென்ட் திவ்யா நீலகிரி மாவட்ட கலெக்டராக நியமிக்கப்பட்டு இருந்தார். அவர் அங்குள்ள யானைகள் வழித்தடத்தில் உள்ள ஆக்கிரமிப்புகளை அகற்றும் பணியை மேற்கொண்டு வந்தார். அங்கு கட்டப்பட்டு இருந்த கட்டிடங்கள், ஓட்டல்கள், தங்கும் விடுதிகள் போன்றவற்றுக்கு எதிராக நடவடிக்கைகள் எடுக்கப்பட்டன. அதனை எதிர்த்து அதன் உரிமையாளர்கள் சுப்ரீம் கோர்ட்டில் வழக்கு தொடர்ந்தனர். அந்த வழக்கை விசாரித்த சுப்ரீம் கோர்ட்டு, இன்னசென்ட் திவ்யாவை இடம் மாற்றம் செய்யக்கூடாது என்று தமிழக அரசுக்கு உத்தரவிட்டு இருந்தது.

இந்த நிலையில் கடந்த சில நாட்களுக்கு முன்பு நீலகிரி மாவட்ட கலெக்டர் இன்னசென்ட் திவ்யாவை இடமாற்றம் செய்யலாம் என்று சுப்ரீம் கோர்ட்டு அனுமதி அளித்து உத்தரவிட்டது. இதைத்தொடர்ந்து நகராட்சி நிர்வாக இணை ஆணையர் எஸ்.பி.அம்ரித் நீலகிரி மாவட்ட கலெக்டராக நியமிக்கப்பட்டுள்ளார். இதற்கான அறிவிப்பை தமிழக அரசின் தலைமை செயலாளர் இறையன்பு வெளியிட்டுள்ளார்.

எஸ்.பி.அம்ரித், கன்னியாகுமரி மாவட்டத்தை சேர்ந்தவர். 1988-ம் ஆண்டு மார்ச் மாதம் பிறந்த அவர், 2013-ம் ஆண்டு தமிழக அரசு பணியில் சேர்ந்தார். அவர் தமிழ், ஆங்கிலம், இந்தி ஆகிய மொழிகளை நன்கு அறிந்தவர். ஏற்கனவே மதுரை மாவட்டத்தில் கூடுதல் கலெக்டராக இருந்துள்ளார்.

ஊட்டி:

நீலகிரி மாவட்டத்தில் ஊட்டி, குன்னூர், கூடலூர், நெல்லியாளம் நகராட்சிகள்,11 பேரூராட்சிகள் மற்றும் 4 ஊராட்சி ஒன்றியங்கள் அடங்கிய 4 மண்டலங்களில் தடை செய்யப்பட்ட பிளாஸ்டிக் பொருட்களின் உபயோகத்தை தவிர்ப்பது மற்றும் பொது இடங்களில் குப்பைகள் கொட்டுவதை தவிர்ப்பது தொடர்பான விழிப்புணர்வினை வியாபாரிகள், பொதுமக்கள் மற்றும் சுற்றுலா பயணிகள் மத்தியில் ஏற்படுத்தும் பொருட்டு ஒட்டு மொத்த கள ஆய்வு மண்டல அலுவலர்களால் மேற்கொள்ளப்பட்டது.

இதற்காக ஊட்டி, குன்னூர், கூடலூர், மற்றும் கோத்தகிரி ஆகிய 4 மண்டலங்களில் நகராட்சிகள், பேரூராட்சிகள், ஊராட்சி ஒன்றிய அலுவலர்கள் மற்றும் துணை கலெக்டர் நிலை அலுவலர்கள் குழுக்களாக பிரிந்து, மாவட்டம் முழுவதும் கள ஆய்வு மேற்கொண்டனர். இக்குழுவினர் ஆய்வின் போது, தடை செய்யப்பட்ட, 28.100கி.கி எடை கொண்ட பிளாஸ்டிக் பொருட்களை பறிமுதல் செய்து, அபராதத் தொகையாக ரூ.74,600 வசூல் செய்யப்பட்டுள்ளது. இனிவரும் காலங்களில் வியாபாரிகளும், பொதுமக்களும்,சுற்றுலா மற்றும் வெளியூர் பயணிகளும் தடை செய்யப்பட்ட பிளாஸ்டிக் பொருட்கள் பயன்படுத்துதல் மற்றும் பொது இடங்களில் குப்பை கொட்டுவதை தவிர்த்து நீலகிரி மாவட்டத்தின் சுற்றுச் சூழலை பாதுகாத்திட வேண்டும் என கலெக்டர் இன்னசென்ட் திவ்யா தெரிவித்துள்ளார்.

ஊட்டி:

கேத்தி பேரூராட்சிக்குட்பட்ட ராஜ்குமார் நகர் ஆதிதிராவிடர் காலனி பகுதிகளில் 20162017 ஆம் நிதியாண்டின் கீழ் அனைவருக்கும் வீடு வழங்கும் திட்டத்தின் கீழ் நடைபெற்று வரும் பணிகளை பார்வையிட்டு, எல்லநள்ளி பகுதியில் நெடுஞ்சாலை துறைக்கு சொந்தமான வடிகால் கால்வாயிணை சீர் செய்யுமாறு அறிவுறுத்தினார்.

நேர்கொம்பை ஆதி திராவிடர் காலனி பகுதிகளில் 20162017 ஆம் நிதியாண்டில் அனைவருக்கும் வீடு வழங்கும் திட்டத்தின் கீழ் பணிகளை துவங்காத பயனாளிகளை சந்தித்து அவர்களிடம் பணிகளை துவங்குமாறும், அரசு நிதியை பயன்படுத்தி கொள்ளுமாறும் அறிவுறுத்தி, அப்பகுதியில் அடிப்படை வசதிகளான சாலைவசதி, தெருவிளக்கு வசதி, மின்சார வசதி, குடிநீர்வசதிகள் ஆகியவைகள் குறித்து ஆய்வு செய்தார்.

பின்னர் சிறப்பு பகுதி மேம்பாட்டு திட்டத்தின் கீழ் 2017-2018 ஆம் நிதியாண்டின் கீழ் நடைபெற்று வரும் குடிநீர் மேம்பாட்டு பணியினையும், நபார்டு திட்டத்தின் கீழ் 2018-2019-ம் நிதியாண்டின் கீழ் திருவள்ளுவர் நகர் பகுதியில் கடப்பாலம் முதல் தேனலை வரை சாலை பணியினையும் பார்வையிட்டு, பழுதடைந்துள்ள குடிநீர் குழாய்களை மாற்றி அமைக்குமாறு அறிவுறுத்தினார்.

சாலமூர் பகுதியில் சமுதாய கழிப்பிடம் மற்றும் அனைவருக்கும் வீடு வழங்கும் திட்டத்தின் கீழ் நடைபெற்று வரும் பணிகளையும், சிறப்பு பகுதி மேம்பாட்டுத்திட்டத்தின் தொட்டண்ணி கிராம பகுதியில் நடைபெற்று வரும் குடிநீர் மேம்பாட்டு பணியினையும், திடக்கழிவு மேலாண்மை திட்டத்தின் கீழ் நடைபெற்று வரும் தடுப்புச்சுவர் அமைக்கும் பணியினையும் கலெக்டர் பார்வையிட்டு ஆய்வு செய்தார். கேத்தி பாலாடாவில் பகுதியில் உள்ள கடைகளில் மாவட்ட கலெக்டர் திடீர் ஆய்வு மேற்கொண்டு பிளாஸ்டிக் பொருட்களின் பயன்பாட்டினை கண்டறிந்து அங்குள்ள அனைத்து பிளாஸ்டிக் பொருட்களையும் பறிமுதல் செய்தார்.

மேலும் ஜெகதளா பேரூராட்சிக்குட்பட்ட பகுதிகளில் அடிப்படை வசதிகளான குடிநீர் வசதி, தெரு விளக்கு, மின்சார வசதி, சாலை வசதி ஆகியவை குறித்து ஆய்வு செய்தார். பின்னர் அப்பகுதி மக்களின் நீண்ட நாள் கோரிக்கையான குடிநீர் வசதிக்காக உடனடியாக நீர்தேக்க தொட்டி களில் நீர் நிரப்பி அதன் மூலம் தவறாமல் குடிநீர் கிடைக்க வசதி செய்து தருமாறு சம்மந்தப்பட்ட துறை அலுவலர்களுக்கு அறிவுறுத்தினார்.

பின்னர் தெரேமியா கிடங்கு பகுதியில் உள்ள கடைகளில் கலெக்டர் திடீர் ஆய்வு மேற்கொண்டார். தடை செய்யப்பட்ட பொருட் களான பிளாஸ்டிக் டம்ளர்கள், தட்டுகள் போன்றவற்றை பயன்படுத்து வது கண்டறி யப்பட்டு உடனடியாக அபராதம் விதிக்கப்பட் டது. மேலும் அங்குள்ள கடைக்காரர்கள், ஊழியர்கள், பொதுமக்கள் ஆகியோரிடம் பிளாஸ்டிக் பொருட்களை இனி பயன்படுத்த கூடாது, மீறி பயன்படுத்தினால் கடும் நடவடிக்கை எடுக்கப்படும் தெரிவித்தார்.

இந்த ஆய்வின் போது கோத்தகிரி பேரூராட்சி செயல் அலுவலர் (பொ) குணசீலன், கேத்தி பேரூராட்சி உதவி பொறியாளர் பெருமாள்சாமி, சுகாதார ஆய்வாளர்கருணாநிதி, மற்றும் அரசுத்துறை அலுவலர்கள் உட்பட பலர் இருந்தனர்.

ஊட்டி:

நீலகிரி மாவட்ட கலெக்டர் இன்னசென்ட் திவ்யா வெளியிட்டுள்ள செய்தி குறிப்பில் கூறியிருப்பதாவது, லாரிகள் தொடர் வேலை நிறுத்தம் காரணமாக விவசாயிகள் தங்கள் பகுதிகளிலிருந்து விவசாய பொருட்களை சந்தைக்கு தினமும் எடுத்துச் செல்லவும் மற்றும் தமிழகத்தில் உள்ள பல்வேறு மாவட்டங்களுக்கு அரசு பேருந்தில் எவ்வித கட்டணமுமின்றி எடுத்துச் செல்லலாம். கூடுதல் விவசாய பொருட்களை எடுத்துச் செல்ல அரசு பஸ் இதற்காக தனியாக வாடகைக்கு வழங்கப்படும் எனவும், மேலும் விவரங்களுக்கு அரசு போக்குவரத்துறையை தொடர்பு கொள்ளலாம் என அதில் அறிவித்துள்ளார். #tamilnews

ஊட்டி:

நீலகிரி மாவட்டத்தில் தென்மேற்கு மற்றும் வடகிழக்கு பருவமழை ஆண்டுதோறும் பெய்வது வழக்கம். இந்த மழையின் காரணமாக நீலகிரி மாவட்டத்தில் ஒவ்வொரு ஆண்டும் பெரிய அளவில் பாதிப்புகள் ஏற்பட்டு வருகின்றன.

மழையால் சாலைகளில் மண்சரிவு ஏற்படுவதுடன், மரங்களும் சாய்ந்து விழுகின்றன. இதனால் போக்குவரத்து கடுமையாக பாதிக்கப்படுவதுடன், பொதுமக்களின் இயல்பு வாழ்க்கையும் பாதிக்கப்பட்டு வருகிறது.

இந்த நிலையில் தென்மேற்கு பருவமழையையொட்டி மேற்கொள்ள வேண்டிய முன்எச்சரிக்கை நடவடிக்கைகள் குறித்த ஆலோசனை கூட்டம் நீலகிரி மாவட்ட கலெக்டர் இன்னசென்ட் திவ்யா தலைமையில் ஊட்டியில் நடைபெற்றது. இதில், கலெக்டரின் நேர்முக உதவியாளர் கீதா பிரியா, பேரிடர் இன்னல் பாதுகாப்பு பிரிவு தாசில்தார் ராம்குமார், மாவட்ட வன அதிகாரி சுமேஷ் சோமன், மருத்துவ துணை இயக்குனர் ஹிரியன் ரவிக்குமார், ஊட்டி நகராட்சி கமி‌ஷனர் (பொறுப்பு) ரவி உள்பட பலர் கலந்துகொண்டனர்.

கூட்டத்தில் கலெக்டர் இன்னசென்ட் திவ்யா கூறியதாவது:-

ஊட்டி, குன்னூர், கோத்தகிரி ஆகிய பகுதிகளில் உள்ள புயல் நிவாரண மையங்களை மின் இணைப்புடன் தயார் நிலையில் வைத்திருக்க வேண்டும். சுகாதார மற்றும் மருத்துவ அதிகாரிகள் தேவையான அளவு மருந்து, மாத்திரைகளை இருப்பு வைக்க வேண்டும்.

தனியார் மருத்துவமனைகளின் ஆம்புலன்சுகள், மருத்துவர்களின் பெயர் உள்ளிட்ட விவரங்களை வருவாய்த்துறை மற்றும் நகராட்சி அதிகாரிகள் பெற வேண்டும்.

நெடுஞ்சாலை, நகராட்சி பகுதிகளில் சாலைகளில் ஏற்படும் மண் சரிவு மற்றும் நிலச்சரிவுகளை உடனுக்குடன் அகற்றும் வகையில் பொக்லைன் எந்திரம் மற்றும் பணியாட்களை தயார்படுத்தி வைக்க வேண்டும்.

தீயணைப்புத்துறை அதிகாரிகள் மரம் அறுக்கும் மின்வாள் உள்ளிட்ட உபகரணங்கள் செயல்படுகிறதா என்பதை சரிபார்த்து வைத்திருக்க வேண்டும். நீலகிரியில் அதிக பாதிப்பு ஏற்படக்கூடிய 233 பகுதிகள் கண்டறியப்பட்டு உள்ளது. இந்த பகுதிகளுக்கு உள்வட்ட வாரியாக ஏற்கனவே 13 மண்டல குழுக்கள் அமைக்கப்பட்டு உள்ளன.

தற்போது தமிழ்நாடு அரசு சுற்றறிக்கையின் படி, ஒவ்வொரு குழுவிற்கும் அதிகபட்சமாக 5 முதல் 7 வரையிலான அபாயகரமான பகுதிகள் ஒதுக்கப்பட்டு, கூடுதலாக 22 குழுக்கள் சேர்க்கப்பட்டு மொத்தம் 35 குழுக்களாக அதிகரிக்கப்பட்டு உள்ளது. இந்த குழுக்கள் நீலகிரி மாவட்டத்தில் ஏற்படும் நிலச்சரிவு, வெள்ளம் உள்ளிட்ட அனைத்து விதமான பேரிடர்களிலும் தங்களை ஈடுபடுத்திக்கொள்ளவும், முன்னெச்சரிக்கை நடவடிக்கை எடுக்கவும் அதிகாரிகள் மற்றும் அலுவலர்கள் தயார் நிலையில் இருக்க வேண்டும்.

ஒரு குழுவில் 7 பேர் இருப்பார்கள். அருகில் உள்ள போலீஸ் நிலையங்களின் தொலைபேசி எண்கள் சம்பந்தப்பட்ட குழு அதிகாரிகள் வைத்திருக்க வேண்டும். இவ்வாறு அவர் கூறினார்.